كل يوم , كل واحد منا بيقابل الحوارات او الاختبارات دى , و كل واحد ليه تفسير ليها
ووجهة نظر معينه, يعنى فى يقول:

-دة من باب الأطمئنان " و بلاش خفه و متسألش الباب دة فين"ء 

-من باب جر الكلام ' مجرور بالكسرة"ء

-غلاسه, و هنا بئة مربط الفرس " حلوة مربط الفرس دى" المهم انها اغلب الاوقات غلاسه من البشر على البشر و لا ون التفسير بيجى حسب المود بردوا و الواحد ماينكرش انه ساعات بتكون دماغه عليا  اوى " و ممكن منى و سعاد و حسين و بنديهم احلى الاغانى بمناسبه اى حاجه"و بيستغبى و يعمل الحركات دى"

تكون حضرتك صاحى من النوم مش شايف قدامك او قرفان و على اخرك عشان وراك يوم مايعلم بيه الا ربنا و تلاقى حد بيقولك

   ((ايه دة انت صحيت؟؟؟)) 

2-

راجع من الكليه او الشغل و حالتك كرب بعد يوم طويل عريض من المشاحنات و الضغط و حرقة الدم و تخبط على باب البيت و حد يفتحلك

((ايه دة انت رجعت؟؟؟ ))
نظام انت جيت هيئ يا رمضان
لا لسه هتاخر شوى النهاردة , و لا اقولك يوم الاربعاء بعد صلاة الجمعه فى نفس المعاد

 

حد من اصحابك يتصل بيك على البيت و يسالك

4-السؤال اللى ينرفز بجد انك تكون طافى نور الاوضه و متغطى و نايم و يمكن بتحلم احلى حلم و حد يجى يصحيك عشان يسألك 

  "انت نايــــــــــم؟؟؟"

لآ بهرج, بستهبل, بعمل عبيط

5-

بعد لما النتيجه طلعت و الحمدلله ربنا اكرمنا بالنجاح و كسبنا المعركة

واحد امور يجيى يسألك :
عملت ايه؟
الحمدلله , صافى
يعنى نجحت؟؟؟

 تفتكر صافى دة اسم بنت؟؟ و لا التعجب من النجاح كمبدء؟؟؟(حوار للنقاش)ء

 

7-

لما تحب تعمل دور التافه " سورى يعنى" و تتصل ببرنامج اهداء اغانى و تطلب اغنيه "بابا فين

.ماتروح تدور عليه يابارد

المهم ان الاخت المذيعه بكل سخافه تسالك: انت بتحب الاغنيه دى؟؟
"تفتكرى طالباها عشان خاطر سواد عيون الهانم؟؟؟""

8-

يوم العيد و البرامج اللى تحرق الدم

 

المذيع : تحب تقول ايه لاهلك النهاردة؟؟
mmmmmmmmmm "استنى هفكرا

ة افتكرت مبروك النجاح السعيد بالرفاء و البنين ان شاء الله

 

 

 

لما تكون بتكلم حد شايف نفسيته حبتين و يتعصب عليك يقولك

 

 " انت مش عارف انت بتكلم مين"

يحسسك انك عندك زهايمر او نظرك ضعف

معلش مش واخد بالىالعتب على الجزر بئه نعمل ايه!!!!!ء

شكراi can be ur hero

و فى نهاية الحوار مش هانسى  الاسئلة اللى حازت على المركز الأول

مين قال ايه؟

مين عمل ايه؟

مين بيتفرج على ايه؟

مين ليه؟

مين امتى؟؟

و حاجات من كدة كتير , طيب لما انت ماعندكش اى معطيات بتسال ليه؟؟؟

المساله لازم تتكون من معطيات و مطلوب و برهان

و لا على رأى المثل" منين بيودى على فين"ء

من كتاباتى الخاصه

SUNNY