sou's profile® coFEE كيــ تــPhotosBlogListsMore  |  Tools Help |
|
11 September بقايا كائنشوية فضفضة لن تضر و لن تفيد .... اتنين فى بالى و انا بكتب الاولى ياسمين صاحبة بلوج انا حرة و التانية مها و السبب انهم فى بالى بوستات ليهم فيها من اللى انا فية دلوقتى.
حياة ممتلئة بالضجيج و الظلام و عدم الاحساس ...اذا كان فى حاجة اسمها احساس اصلا ...ممكن اقول انى جبت اخرى او مش اخرى اوى لانى على الاقل لسة عايشة لكن عايشة بدون اى دافع للحياة ..حسب علم النفس ان الانسان بتحركة دوافع و اهم دافع للانسان هو دافع الحياة يعنى لما تلاقى حريقة تبعد عنها دة بسبب الدافع للحياة ..انا شخصيا مش هاعمل كدة ..انا هافضل واقفة مكانى و زى ما تيجيى تيجى ..زى ما بيقولوا الاسماك الميتة بس هى اللى بتمشى مع التيار. انتى بنت و لازم تكونى بنت كويسة ..انا مش فاهمة اساسا يعنى اية بنت كويسة و بعدين مش لاقية سبب مقنع يخلينى اتصرف تصرف البنات او انى اهتم بالناس و بتصرفاتى اداهم مايقولوا اللى يقولوة...صعب اوى انك تعيش لا انت ولد و لا انت بنت , انما حاجة وسط مالهاش لا طعم و لا لون و لا ريحة و لا ليها اى حاجة .. لا انتى واخدة حقوقك كاملة -كبت -و لا واخدة حقوقك كاملة -كولد- انما الحقوق و التعامل و كل حاجة وسط بين الولد و البنت ..مش عارفة تاخدى حرية و تخرجى عشان ضغط الشغل اللى عندك و لازم تكونى راجل فى الشغل عشان ماينفعشى تتعاملى بحقيقة انك بنت عشان الناس وحشة .. عليكى تلبسى كويس و تهندى فى نفسك و انتى خارجة -الشغل- و انتى اساسا ماعندكيش لا الوقت و لا النفس اللى تخليكى تفوقى لاى حاجة .. سهل اوى انك تعدى الابتسامات اللى ابتسامتيها فى يومك و مش هاتخرج عن عد صوابع ايدك ...سهل اوى انك شوفى النور مزعج و انك تشوفى الضلمة مؤلمة و انك تتوهى و تتغربى وسط الناس و زحمتهم. احساس بالغربة و ان الوشوش مش هى الوشوش ...كلنا بقينا نبص على بعض من برة مش من جوا (مش زى الطفولة يا مها ) اللى برة ززززززززززفت و اللى جواة ازززززززززفت ...مين بئى يخاف على مين ؟ مين بيحس بمين؟؟ كلمات مالهاش معنى و ابتسامات صفرا و باردة و مشاعر قلتها افضل و اصوات تتمنى صمتها و وشوش تتمنى تبعد عنها و شوارع تتمنى انها تختفى من على وش الارض و نفسك تتمنى تهرب منها . استغفر الله العظيم , رمضان السنة دى مش فى وقتة خالص ,بالنسبة لى , ماعنديش تاهيل نفسى لاى حاجة غير السكون و تقييد الغضب داخل نفسك عشان ماحدش يشوفة..عشان لو طلع هتبقى التوابع و النتائج مش لطيفة لا ليك و لا على اللى حواليك. انا مش رافضة سفر السعودية عشان انا مش عايزة اسافر ..انا رافضاة عشان مش عايزة اسافر ماكم ..انا تعتب و مش هاقدر باى حال اتحمل شهر بعيد عن بلدى معاكم ..غربة فى بلدك وسط اهلك احسن من غربة فى بلد غيرك ووسط اهلك بردوا ..ماما بتلومنى على رفضى لكن مش عايزة تفهمنى و يمكن انا اللى مابقتش اعرف اتكلم اساسا مع اى حد كان .. اللى اقدر علية انى اسمع و ماردش ..ماعنديش اى سببب مقنع لاى حاجة عشان انا تعبت من الاسببا المقنعة الىل بتتحول لحجج قدام عنيهم.. اتعب نفسى لية فى مناقشات مش هاتودى و لا هاتجيب !! كل واحد يقولك مش عارف حاجة و مش فاهم حاجة اومكلا مين اللى فاهم انا عايزة اعرف !!! و انا بئة المفروض انى اعمل اية ؟؟ انا ماعنديش دم و لا احساس و لا بتحمل مسؤلية -دة راى بعضهم- و فى نفس الوقت بيتعاملوا معايا على انى مافيش منى اتنين فى الرجولة و مش عارف اية و فى النهاية بردوا ارجع اسمع نفس الكلام السخيف الىل مالوش داعى ....مش معقول كل شوى تقولى لازم تكونى نفسك و بطلى تقلدى -رغم انى لا بقلد و لا زفت- و فى نفس الوقت ترجعى تقارنى بينى و بينها و تقولى هى بتعمل و انتى لآ ...طيب انا مش فاهمة يعنى انتى لا عايزة تعترفى بالفروق و لا عايزة تعترف بالتشابة .....هو انا مريضة نفسيا و لا اية ؟؟؟ ساعات بحس بجد انى بئة عندى ازدواجية احساس و تفكير و شخصية ... شكلى بنت و اوسلوب كلامى بئة اقرب لولد و شوية ملامح لبقايا بنت بريئة ..احساس مزمن بالغضب تتخللة تسربات فرحة مرتجفة تختفى سريعا ..تفكيرى بئة متناقض ماابين احلام الولد و احلام البنت ..اغلب احلامى لازم اكون ولد عشان احققها و اهما الاستقلال الذاتى و فى نفس الوقت انا مش ولد عشان اقدر انفذها بس انا حتى لو بنت فى حاجات اقدر اعملها ..........مش بقولكم بقيت مريضة نفسيا مابقتش عارفة هل نظرتى للموضوع صح ولا انا اللى فاهمة اللى بيحصل غلط و شايفاه من ناحية غلط !!!!!!!
كفاية كدة عشان الحق العب فى الجنينة قبل الديب مايهل علينا.
**على الهامش ** مها و سمر و سارة بجد وحشتوووووونى جدا يمنى و منى كان نفسى اتكلم معاكم مرة تانية غير المرة الاولى بس النصيب و ان شاء الله هنتقابل بيرو الدراسة هتبدء شد حيلك و اعذرنى انى مش موجودة كــــــــل اللى هايقروا البوست دة رمضان كريم عليك و ادعولى. |
|
|
