sou's profile® coFEE كيــ تــPhotosBlogListsMore  |  Tools Help |
|
16 August احباط ميه مية موضوع مش مترتب و مش عارفة بدايته فين بالظبط لكنى عارفة انه صار واضح اكتر من بعد لما النت فصل ,للمعلومة فقط انا 85%
من يومى بيكون على الانترنت اما شات اما فسحه فى المواقع اما سبيس, يعنى النت تقريبا حياتى.
الناس اللى ممكن احكى معاهم موجودين على النت , المكان اللى بفضفض فيه موجود, المكان اللى ممكن اتعلم منه بردوا النت. من غيره عندى وقت فراغ طوول ما انا صاحية عشان كدة طبيعى انى اصحى متاخر حتى لو كنت نايمة بدرى -وبدرى دى نادر لما تحصل-اصل هاصحى اعمل اية؟؟ شغل البيت مش هاياخد وقت لو قررت انى اعمل اى حاجة فيه, اقرء كتاب مش النوع النهم اوى على
القراية رغم انى احب اشترى كتب و اقرء عنها لكن صعب انى اقرء كتاب كامل
.
فى وقت الفراغ اللى بعانى منه دة تبدء الافكار المنيلة بتاعتى تشعشع و تولع ... من احدى الافكار دى الانتماء , انى ماعنديش مكان انتمى لية و لا حد انتمى لية مابحسش باانماء وسط الناس اكتر وقت حسيت فيه كدة و اللى اكدلى ان الاحساس دة مش وهم و انا فى
السعودية رمضان اللى فات, كنت بنام معيطة كتير من غير ما حد يحس انى بعيط و بحاول اضحك بس من جوايا بصرخ من الحوارات
اللى كانت بتحصل هناك , على الرغم من اننا فى عمرة الا انى كنت بتخانق كتير مع اهلى و خصوصا انى كنت عايزة ارجع مصر و
السبب انى حاسة بالغربة..و ياسلام على يوم الرجوع كنت طايرة من الفرحة عشان هارجع واول لما رجعت الكلية بقت الغربة اتنين ,
لانى ممكن شفت الناس على حقيقتها و فترة السفر كشفت حاجات و يمكن لانى اخدت هناك فترة علاج فلما رجعت شفت الحاجات اللى
كانت زمان عادية لقيتها غريبة على ..اخدت وقتى لحد ما رجعت, لكنى من جوايا ماقدرتش ارجع لاحساس زمان و النتيجة انى شبة
بعدت عن الناس اللى كنت بقضى يومى كله معاهم و بدءت اعد مع ناس تانية او اكون لوحدى او اشغل نفسى باى حاجة.
السواد التانى انى بعد كل دة احساس انى ماعرفتش الاقى الصاحبة اللى اقول انها انا بجد , يعنى ماعنديش حد فى اصحابى بيفهمنى او بيشاركنى احلامى او اهتماماتى , ممن يشجعنى على حاجة ..واحدة من اصحابى بتحبطنى بشكل عجيب و هى مش حاسه كل ما اقولها
على حجاة تقولى مكسلة , بلا تعب , شغل اية يابنتى, مالها قاعدة البيت....الخ الخ , الباقيين اتجوزوا و ما ادراك ما الجواز بئة
شغلهم الشاغل البيت و الاكل و اللى مش عارف اية و دايما شايفنى انى مش شايفه الحياة صح و ان البنت مالهاش الا الجواز- الطبيعى
بتاع الشعب المصرى-طيب يا شباب ماهو الحمدلله حتى الان انا مش مخطوبة يبقى المفروض انى اعد فى البيت استنى لحد ما عريس
الغفلة يشرف و لا اعلم اية يعنى !!!
اللى ضايقنى اكتر ان اكتر ناس انا برتاح فى الكلام معاها و ممكن تفهمنى موجودة على النت يعنى النت هو الطريقة الوحيدة اللى بقابلهم
بيها حتى لو معايا ارقام الموبايل , انا مابعرفش اتلكم و احى عن اللى جوايا , انا بعرف اكتب بس , و مش معقول هاعد اشيت
بالرسايل عشان لو انا معايا رصيد هاخلص رصيد اللى قدامى :)) و اللى يضايق اكتر ان كلهم فى محافظات تانية يعنى لو حبيت اخرج
مع حد فيهم حلنى عقبال ما اعرف اسافرلهم, احساس انهم مش معاك و انك مش قادر تشاركهم افراحهم غير مشاركة وجدانية وة انت بعيد بيقتلنى , احساس انى نفسى اشوف ناس و مش عارفة بيتعبنى اكتر و يحسسنى ان مافيش لازمه لاى حاجة...كل يوم بتمنى مليون مرة لو الاقى حد زى اللى عرفتهم على النت بس يكون فى نفس المحافظة
السواد التالت انى بما انى مافيش حاجة اعملها و حاسة زى العجوز اللى عايزة تبقى شابة , احساس انك شايل جبااااااال جواك مش قادرة
منها انى اجرى او اللعب او اطنطط ..وبما ان كل دة بيحصل و انا صايحة يبقى الباب اللى يجيلك منه الريح غيره و ركب قبنورى
يبقى الحل انى اهرب و انام و عشان انام اطول فترة ممكنة لازم اخد دوا اثارة الجانبية النوم زى دوا الحساسية او الكحة.
دول اكتر سوادات قالبين حياتى الفراغ دة زى الموت ببطئ, لا منى عارفة اخرج منه و لا منى عارفة اتعود عليه , حتى الامتحانات بتاعة الاى سى دى ال اللى بنزلها بنزلها بضرب الجزم
عشان مش قادرة , رغم انى عايزة اخلصها لكن من جوايا زى مايكون فى قيود او حاجة بتشدنى لتحت.
نفسى اسافر , اعد فترة بره البيت بعيد عن اهلى مش عايزاهم معايا مش عشان هم وحشين معايا لكن عشان انا مابقتش طايقة حد نهائى عايزة ابعد ارتاح نفسيا و ارجع هادية و اتقبل المناقشات شوى معاهم , علىالرغم من ان ماما من صنف اصحابى عايز تطمن على و خلاص و شايفة انى اخدت الليسانس و كدة تمام اوى و لو عايزة اتعلم حاجة تانية يبقى الاحسن انى اقدم فى معهد اعداد الدعاة ..ايوة انى اعرف دينى شيئ مهم لكنى ماهاقدر اغمض عينى عن كل اللى بيحصل واقول العلوم الدينية و بسو الدنيوية دى كفر و انا كدة خلصت تعليم دنيوى و اقف
..
|
|
|
