sou's profile® coFEE كيــ تــPhotosBlogListsMore  |  Tools Help |
|
31 May الف الف الف مبارك مها
 حينما تراهم ...قد تتسأل من هم ؟؟؟اهم مفقودون؟  ؟ ام مسجلون خطر؟؟
ولكنهم
الجيل الثالث من الصحفيين
اشمعنى الموبايل فية جيل ثالث يعنى
انهم نجوم شووووووووووووووووووووووووووووووووووووووووت
مبارك عليكم يا شباب ...مبارك عليكى يا مها مليون شكرا لاستاذ شبانة على المقالة سلمت يمناك 25 May الفراااااااااقعلى الرغم من ان دى فترة امتحانات و المفروض ان اللى يكون قلقنى الامتحانات و النتيجة , بس مش حاسة بالقلق دة على اد ما حاسة بالحزن و اللى شاغلنى الفرااااااااااااااق ناس حبيتهم على الرغم من انى بكابر فى حكاية انى مش ممكن فراق حد يأثر فينى..بس اعترف المرة دى انى متأثرة (مبروك جالى قلب) و مش عايزة اخر يوم الامتحانات دة يجيي..مش متخيلة انى دى اخر سنة لى فى السلك التعليمى و خلاص مش هادرس تانى, مش متخيلة انى مش هاصحى تانى بدرى و انا بسب و بلعن فى المحاضرة و اروح متاخر و اتطرد انا و زمايلى و نعد فى الكافيتريا نشرب كابيتشينو (البنى اللى بيتحط فى المج مش بتاع احمد حلمى)ء مش متخيلة ان كل حاجة هتخلص بالسهولة دى !!!!!!!!!!!!!!!!!!!!!!!!!!!!!!!!!!!!!!!!!!! ياترى هنتقابل تانى؟؟ ماعتقدش ..طب و لو اتقابلنا هنتفكر بعض؟؟ و لو افتكرنا هنسلم على بعض؟؟؟؟ ولا هيبقى زى اصدقاء الطفولة كدة؟؟؟؟ كلة هايروح لحال سبيلة؟؟؟ ايوة انا متاكدة ان كلنا هننشغل فى الحياة و هنفتكر بعض فى الاول بس و بعد كدة الزمن قادر يبعد بينا بس على الاقل الفراق فى اولة صعب العيال اللى اصغر منى مش متخيلة انى مش هاشوف مى و شيماء و هاجر و ايناس و الاء... ابتسامة ايناس اللى بتحسسنى ان اليوم هيكون كويس ان شاء الله , وسلام مى اول لما تشوفنى بتحسسنى انى لسة عايشة , و دعوات مى التانية اللى بأحرج من حبها لى , و تهريج هاجر و شيماء اللى مهما كان فى بموت على نفسى من الضحك , و براءة الاء و ايمانها بحلمها ندا اللى مهما كنت بغيب تيجى و تسال على و تسلم على بحرارة .. هدى اللى كانت مجننانى ولحد النهاردة انا مش فاهمالها ..... مش متخيلة انى مش هاشوف زمايل الدفعة و القسم , زينب و طيبتها و حبها لى و خوفها و بجد كانت صديقة بمعنى الكلمة , اسماء و ايمان اللى مهما كنت ببعد و بتعصب عليهم استحملونى , هناء اللى على طول تهريج و دايما تطمنى لو قلقت من حاجة , محمد اللى كان كل لما يشوفنى يقول (نص متر و تسدى قناة السويس) و ( انت عينات جاية من الصين) و(انتى اوزعة) و احمد اللى كان الفيروس مبهدل الجهاز بتاعة و كان قرفان منة ( بس مش عرافة هو لية دايما يكلمنى بقرف رغم انى مابتكلمش معاة كتير)....... محمد اللى كان حاجة غير بالنسبة لى ..تكفى ابتسامتة الصبح قبل المحاضرة عشان اعرف ان اليوم بتاعة هيكون فل ان شاء الله... سليم اللى كل لما يشوفنى يقولى قولى (س) اكمنى لدغة يعنى ... اسلام( اللى كنت بحسة غريب بس ماعرفش لية..بس كنت اتفاءل بسلامة هو كمان) احمد اللى لو قلت هقول ممواويل عن طولة بالة و فنة فى انة يعصبنى...بس مع ذلك ماكنتش اقدر يعدى على يوم من غير ما شوفة و ارخم علية كككككككككككككل الناس دى ليها معايا ذكريات حلوة و اتمنى انها ماتنتهيش ...لكن ليس كل ما يتمناة المرء يدركة (حتى لو جرى وراة) ...عارفة و متاكد ان كل دة هينتهى ..ماهو اللى قبلة انتهى و راح مع اللى راح. رسائل الى اشخاص كانت لى ذكريات معهم: زينب و اسماء و ايمان و هند وسارة و ميرفت: اسفة على عصبيتى الزايدة معاكم ...عارفة ان اى حاجة اتعصبت عليها ماكنتش مستهلة و مع ذلك كنتوا بتعدولى و عمر ماحد فيكم جة عاتبنى. محمد: اسفة انى فى الاول كنت بسرتخمك و مش بطيقك و كنت بتريئ عليك عشان اللى انت كنت بتعملة فى المحاضرات دكتورة السكشن (ناعرفش اسمها بس امبارح حلمت بيها و قالت لى ان اسمها دعاء خخخخخ): مهما اتاسفت مش هايكفى انى كنت بعمل ازعاج فىالسيكشن و بتريئ على اى حاجة و كنت مصدر مشاغبة و انتى ماكنتش تستهلى منى كدة..و متشكرة اوى على اللى انتى عملتية معايا..جزاك اللى كل خير محمد:مهما شكرتك مش هايكفى ...على الرغم من اختلافى معاك فى نقاط كتير بس كنت اكتر واحد ممكن اعتمد علية ان يسمعنى و يقولى اذا كنت غلطانة او لا احمد:رغم رخامتك و...........ولا بلاش انت اكيد عارف معزتك عندى مى و الشلة :الف شكر على كل اللى عملتوة و على الحفلة الجميلة اللى عملتوهالى و على التوست بتاعك يا مى دكتور عماد: كنت بالنسبة لى اكترمن دكتور على الرغم من ان علاقتنا كانت جوة المحاضرة و بس الا ان كان تكفى ابتسامتك و طيبتك و تفهمك معانا جوة المحاضرة عشان نحس انك اكتر من دكتور و اخ كبير و انسان جنتل بكل معنى الكلمة (ياريت الدنيا كلها زيك) دكتور عبد الحميد: على الرغم من ان المحاضرة كانت سوارية بس كنت بتعرف تخلينى نصحى ..(دايما كان يقولى :انتى يا بت على فكرة ابتسامتك حلوة ناس متفرقة ماليش علاقة بيهم : متشكرة اوى على ابتسامتكم فى وشى بجد كانت بتريحنى و تفرحنى ) . |
|
|
