sou's profile® coFEE كيــ تــPhotosBlogListsMore  |  Tools Help |
|
29 December سنة فاتت مش بحب كلمة كل سنة و انتى طيبة بتاعة العيد ميلاد ...مش عارفة الناس بتفرح لية على البتاع اللى مسيمينوة عيد ميلاد دة , دة الواحد بيزيد سنة من عمرة وكل لما تزيد سنة كل لما مسؤليتك و همومك تزيد ...اومال الناس ودت عقلها فين ...اجازة و لا اية؟؟؟؟ بالنسبة لى النهاررد29 -12-1986 كدة تميت 20 سنة بالتمام و الكمال (ربنا يحرسنى لشبابى و اطلع عين اللى حوالية كمان و كمان) احلى حاجة ان النهاردة وقفة عرفات و دى اول مرة تحصل من يوم لما اتولدت ان اليوم دة يوافق حاجة غير الامتحانات هههههههههه, دة غير طبعا ان اليوم دة يوافق يوم ميلاد بابا و يوم جواز ماما و بابا كمان (السنة طويلة قدامهم و مش عارفة لزمة زنقة المناسبات الكتير دى فى يوم واحد) حاجة غريبة  على البنى ادمينكنت ناسية خالص او بمعنى تانى ماعرفش ان النهاردة 29-12 لحد لما اتنين  دخلوا على و طفوا نور الاوضة (كالعادة طبعا اختى و مرات ابن خالتى اللى مجازا بقول عليها بنت خالتى) و جايبنلى حتة جاتوة بقالها اسبوع كانت عتندنا فى التلاجة و عليها شمعة من الشمع بتاع (مذبحة الشمعه) و بيغنولى هابى بيرث داى تو يو و كمان غنولى (احمد حمادة ميدو دودى ادة يا احمد ,شمع ايدوا اهو فى ايدوا ايودا يا احمد) وماحدش يسالنى اية دخل احمد و لا هو مين اصلا انا عن نفسى ماعنديش فكرة  و انا  غنيتلهم iam gonna be under the tree iam gonna be with you you will be with me we gonaa be under the tree وبس و خلص المولد فى اقل من 5 دقايق ...عصر الدى اس ال و الفيمتو ثانية بئة. و طبعا وصلنى راسيل موبايل كتيرة , اللى حبيتة فيها انها كلها مكتوية مش رسايل موبايل(قوالب ) معتادة اول رسالة كانت من زميلتى فى القسم و اكتر واحدة انا بعتز بصدقتها فى الكلية : happy birthday and happy Eid..with ull o meat and friends meet relatives greet,clothes gdeed money bel3abeet,afrah w za3'areet w tarabateet don't delete  تانى رسالة كانت مينى كول و تالت واحدة من اعز اصحابى: joyeux anniversaire ,ya rab tkon santek al 20 sana 7elwa w ta3rafe ta7'de karar makontesh 3arfa ta7'deh abl keda و الرسالة دى  جت على الوتراكتر الراسايل اللى عجبتنى واحدة لمت الدنيا كلها فى بؤجة واحدة: كل عام و انتى بخير بمناسبة العيد ووقفة عرفات و عيد ميلادك و كان نفسنا نقول الف مبروك مدام هنبعت رسالة بس عادى مش مشكلة خليها لما تخلصى وراسلة اخويا العزيز: happy birth day crazy littمe melody....hope sweet year and sweer husband to you جميل اوى سويت ير بس بلاش حكاية الهاسبند دلوقتى  لسة بدرى على و طبعا نفهم من الرسالة دى اية؟؟؟؟ اكيد انى اصغرواحدة فى البيت  ءدى كانت اكتر راسيل حبيتها و طبعا هتسألونى عن الهديا  و الجاتوةبس انا مش مستنياها غير انى عارفة ان الحالة ض ج  عند الكل , بس بجد اهم حاجة انى حسيت انى فى ناس جنبى ...و النسبة للجاتوة فى قطعة بقالها اسبوع لسة اللى اتعملى بيها الفرح حد عايز منها حتة فى كان (فعل ماضى لا محل لة من الاعراب) تورتة جامدة بس بح ..خلصت...مافيش..فوتوا علينا بكرة .بس مع ذلك لسة معنوياتى ماترفعتش اوى هههههههههههههههههههههه , معلش يا جماعة اصل الحالة معايا صعبة حبتين تلاتة اربعة يعنى ملحوظة:الصورة ملطوشة من سمايل و تقريبا هى لاطشاها من حد , و المثل بيقول ما لطش يولطش ولو بعد حين  ء16 December للحظة او لعدة لحظاتبقالى كتير ماكتبش بلوج لدرجة ان العناكب عششت علية
 و دة بسبب الامتحانات و الحالة النفسية المرتفعة اللى عندى فى ستميت حاجة عايزة اتكلم فيها حاجات كتير كنت ببقة ناوية اكتبها فى بلوج بس الظروف مش بتسمح - اهم حاجة ان النية موجودة- ا كنت زمان من كام سنة فاتو كنت بستغرب
من اللى بيشتكى انة بيخبى حالتة الحقيقة عن الناس و يضحك فى وش الناس و هو من جو مش مبسوط بالمرة , كنت بشوف ان دة استهبال و ان مافيش حاجة تستهال ان الواحد يكتئب عشانها و حتى لو فيها اية لما امثل الضحك قدام الناس ....دلوقتى عرفت اد اية الاحساس دة مؤلم انك تضحك قدام الكل و انت من جواك بتبكى
*****
كطبيعة تدريبى المفروض انى اكون اكتيف على طول , عندى امل فى كل حاجة و عندى طريقة اقناع و رفع معنويات ....ايام ثانوى و لحد اولى جامعة كنت كدة و بعدين الموضووع بدء يضعف عندى واحدو واحدة لحد لما دلوقتى لما بلاقى حد مكتئب كل اللى بعملة انى بهز راسى فى الم على الشخص اللى قدامى و لو حاولت اشجع احس ان كلامى ضعيف لانة طالع من القلب و القلب اصلا ضعيف بالتالى مش بحس انة بيوصل للى قدامى صح, ,و اخرى اقول (معلش , ان شاء الله خير , بس اصبر , ولايهمك .......)ابسط مثال اللى حصل امبارح لما طالب فى ثانوى كان بيتكلم معايا عن الثانوى و انا كنت بعمل فيها اية و ازاى جبت مجموع كبير و انة خايف مايجبش المجموع اللى يدخلة هندسة او انة يذاكر و يتعب و يتظلم فى الدرجات و المفروض كمدرسة انى اقنعة و اخلية يوصل لنقطة الثقة فى النفس و فى الله اولا ....لقيت كلامى فى منتهى الضعف , ماعرفش اذا كان هو حس الضعف دة ولا لآ ...يمكن انا عشان كنت بقارن (بينى و بين نفسى اكيد)
بين كلامى و تصرفاتى زمان و دلوقى !!!! ازاى شخص مش انة لاقى هدفة يتكلم عن طريقة الوصول للهدف ؟؟؟؟؟؟؟؟؟؟؟؟؟؟؟؟؟؟
******
لية الناس اللى معاها موبايلات لازم تعرف الكل ان معاها جهاز بيشغل ام بى ثرى و ويف؟؟؟ حاجة بجد تحرق الدم لما تمشى طول ما انت ماشى عمال تسمع فى نغمات اشكال و الوان واغلبها دة لو ماكنش كلها اغانى و صوتها بشششششششششششششششششششششششششع بجد ...انا مش فاهمة الناس دى طايقة موبايلتها ازاى !!!!! و اللى يحرق دمى اكتر ان الموبايل يرن جوة المحاضرة ...هو مش فى اختراع اسمة سيلنت و فايبريشن و لا خلاص الكونجروس لامريكى هيصل بسعادتك و انت فى المحاضرة؟؟؟؟؟ مرة علقت على زميلتى فى القسم بسبب رنات الموبايل جوة المحاضرة قالتلى انا مش فاهمة انتى عشان ماحدش بيرن عليكى و لا انتى كارهة موبايلك على طول سيلنت ...وهو عشان احب الموبايل لازم اعملة اعلى نغمة و احط علية اغنية العنب
يعنى !!!!! بعدين انا مش فاهمة اية معنى للرنات
...يعنى اية ارنلك و ترنلى الا لو فى حاجة مهمة طبعا, فى حالو لو فى اختلاف فى البلد و الشخص لوحشك (بس الرسايل احلى اكيد)...انما الرنات اللى عمال على بطال بدون لزمة دى...يعنى مثلا وشى فى وشك فى الكلية و فى الليل الاقى رنات ..طيب ماشى..انما كمان لما حد يقابلنى يعاتبنى انا مش برن لية دى اللى بيفرسنى
 ...انتم بترنوا دى حاجة ترجعلوكم....لكن انا ارن او لا دى حاجة ترجعلى انا******
الظاهرة الاغرب اللى بشوفها فى المدرسة ان الطلبة دلوقتى مابيعملوش حاجة (وخصوصا البنات) غير انهم يكونوا بيسمعوا اغانى سواء فى الحصة (الهاند فرى من تحت الطرحة و الامبى ثرى شغال) او فى وقت البريك و هنا بيكون الام بى ثرى او الموبايل من غير هند فرى بيحسسونى انى ماشية فى المولد.
*****
اية الاحساس لما تكون بلا احساس !!!!!!!!
*****
تعمل اية لو (المفروض ان اقرب شخص منك) مش حاسس بيك اصلا و لا كأنك موجود فى الحياة !!!!!!هو المفروض ان الواحد لما يكون مشغول مايهتمش باللى حوالية؟؟؟؟ و مش عايزة صراصير فى الدماغ و الناس تفكر انى بتكلم على ولد ....اان بتكلم عن اصحابى اللى تقريبا مش موجودين و لو كانوا موجودين و كنت مضايقة مش بحس انهم ممكن يفهموا اللى هقولة و بالتالى مش بتكلم وبكتفى انى افضل ساكتة و امثل العبط و انى مرهقة من المحاضرات (دة فى حالة لو اتقابلنا اصلا .....من اول السنة بيعدى السبوعين من غير مانقابل بعض ) و انا اعترف انى مش بتصل عشان انا مش طالبة معايا كلام اصلا مع
اى بنى ادم
******
**** حصلك قبل كدة انك تقوم من النوم و تلاقى فى كلمة بتكرر فى عقلك ماتعرفش انت جبت الكلمة دى منين و يمكن ماتعرفش معناها و لا عمرك قلتلها فى حياتك و فى نفس اليوم تسمع حد يتكلم و يقول اللكمة دى
 ؟؟؟؟بتحصل معايا كتير اقربها كانت امبارح لما صحيت و فى عقلى كلمة (وناسة) انا عمرى ما نطقت الكلمة دى و ماعرفش سمعتها فين قبل كدة و لا حتى اعرف معناها و لما نزلت من البيت سمعت اتنين بيكلموا بعض و واحد بيقولها للتانى بس ماكنتش مركزة فى الكلام بتاعهم بس لما سمعت الكلمة لففت انتباهى اوى
و مرة و انا فى الاجازة كانت كلمة (قميئ) و فى نفس اليوم لقيت اخويا بيحكى عن حاجة و بيقول شكلها قميئ جدا ,
و كذا مرة اقوم و فى فدماغى اية و بردوا فى نمفس اليوم اسمعها فى الراديو او بالصدفة افتح المصحف على الاية دى
*****
احيانا بحس انى برجع لى تانى و احيانا اكتر بضيع منها
*****
لو مش عارف تاخد خطوة لقدام و لا خطوة لورا خليك واقف مكانك ..."يب لو وقوفك مكانك بردوا هيعمل فرق!!!!!!
******* الضلمة مابتخوفشىمن كام يوم حددث انقطاع للكهرباء فى اغلب مناطق المحافظة ولمدة لا تقل عن 3 او 4 ساعات تقريبا من بعد المغرب بدء الانقطاع فى بعض المناطق و توالت الانقطاعات لحد ما تقريبا المحافظة كانت بقعة سوداء الا من بعض المناطق التى غفلت شركة الكهرباء عنها
 المهم انا كنت قاعده فى امان ربنا فى الاوضة لما النور قطع , اول لما لقيتة قطع انا كنت ناوية اذاكر  بس الظروف ...مش مشكلتى بئة ...قلت يبقى مافيش حاجة تتعمل غير النوم لولا ربنا رزقنى باتنين عندهم هستريا من الضلمة ابدا ما انام و لازم افضل معاهم (اختى و بنت خالتى) المهم الاتنين عاملولى رعب ...كل شوية واحدة تقولك فى صوت حد بيتكلم , و التانية ترد لآ دة حد ماشى فى الشقة , لآ دة الباب بيخبط ......و انا اغنيلهم الضلمة مابتخوفشى يا سمكة ملونة (اغنية بوجى و طمطم ايام الطفولة)ههههههههالمهم اننا كنا فى الضلمة و ماعناش مصدر نور غير الموبايلات
و الكشاف بايظ و مافيش حد فى البيت غيرنا احنا التلاتة بس الحمدلله ربنا هدانا لمكان الشمع وولعنا 3 شمعات و لعبنا لعب حلوة....حطينا الشمع على الترابيزة ووقفنا فى مستوى واحد و نشوف مين اول واحدة تطفى شمعتها ..وطبعا كنت انا اواخدت المركز الاول مرتين على التوالى ...المرة الاولى ضربت الشمعة بفوطة و التانية حدفت علبة الكبريت على الشمعة وقعتها و اطفيت خلصنا لعب قلنا نولع شمع بجد ..كل لما اجى اولع شمعة ماتراش تقف زى البنى ادمينقلت لالالالالالالالالالالالازم يتعاقبوا على كدة ...هتلاقوا العقاب فى الصور باسم مذبحة الشمعة و الاتنين كانوا قاعدين بعيد عمالين يزعئوا على اللى عملاة
sunny يا حبيبتى البيت كدة هو اللى هيولع
يهديكى ربنا اطفى الهباب اللى انتى عملاة دة
اكمن الشمع كان بيسيح على بعضة و يقع على النار و يطلع شرارة و اصلا هم واقعين على سطح خشب ....كنت عاملة فيلم رعب من نوع جديد ...بس بجد كان المنظر اكتر من حكااااااااااااااااية  |
|
|
