sou's profile® coFEE كيــ تــPhotosBlogListsMore  |  Tools Help |
|
29 October بعد العودةها ابتدى منين من اول السفر ولا من اول لما رجعت و لا من اول يوم دراسة بالنسبة لى....عندى كلام كيييييير من كترة مش عارفة اكتب
 , خلينى اعمل البلوج على شكل فصولالفصل الاول مكة (احلى مافيكى الكعبة)
اول لما سفرنا نزلنا على مكة عشان نعمل العمرة و كان الجو مررررررررررررة زحام
 زاد مع مرور الايام كانت اكتر حاجة تعبانى هناك الزحمة و عدم القدرة على التأقلم مع اهل البلد و خاصة حرس الحرم, نفسيا مارتحتش اوى فى مكة الا قدام الكعبة , مافتكرش عنها حاجة حبيتها فيها غير الكعبة و بس ....تنسى حياتك و انت واقف قدامها , حاجة غريبة تشدك انت تبصلها و ماتقدرش تنزل عيونك من عليها( يا محلاها , يا روعتها , ياكل وصف حلو ليها) حراس الحرم ماحبتش التعامل بتاعهم نهائى و لا حتى الناس اللى فى الحرم اللى اتوقع انهم مكويين , اسلوبهم يغلب علية الطابع البدوى الصعب التعامل, يلفتوا نظرك انك بتعملى حاجة غلط و ممكن بزعيئ لكن مايتقبلوش انك تنصحيهم او تلفتى نظرهم زى مابيعملو
 ا ...الحرم المكى فى هرجلة جامدة اوى ماعجبتنيش مقدرة انه كان زحححححححححمة بس ماكنتش طريقة...شوى كنت بتكسف من المصريين بيعملوا هناك , بجد كانت حاجة تكسف كانوا ماشيين على مثل ( البلد اللى ماحدش يعرفك فيها) كنت بجد بستغربلهملفت نظرى هناك ان اغلب يفط المحلات بيغلب عليها الخلفية الكريمى الغامق و الكتابة عليها بالبنى المحروق كأنه شعار يعنى ...كان بينرفزنى ترجمة اسماء المحلات للاجنبية او الاسماء نفسها اللى مش ماشية مع الموضوع اصلا
*فندق برج القمر al moon tower
* بروست البيت house of proste
*مطعم الفائق, دة اللى كانت كتابتة حكاية صورتة فى ملف صور مكة AL-faأk اخدين بالكم من الالف الهمزة؟؟
*محل الشموع للاجهزة الكهربائية
 ...منين شموع و منين كهربا يعنى!!!!!*كان فى فندق اسمة نرجس الحديقة و خلفية اليافطة ممكن اعلان صاعق ناموس جاااااااااامد
كانت البلد زحمة و كنا بندخل الحرم قبل العصر و مستحيل تعرف تخرج منة الابعد التراويح و لو فكرت و خرجت يبقى انسى انك ترجع تلاقى مكانك و للافضل انك ماتحولش تدخل اصلا و تصلى فى الساحة احسنلك ..كان بعد الصلاة نروح البيت نفطر ماكناش بنمشى كنا بندخل وسط الزحام و تتزء لحد ما توصل او ممكن حل تانى انك تعمل غرز
 ...كنت هناك بحلم باليوم اللى ارجع فى مصرمع احترامى لكل اهل مكة دة مجرد راى شخصى مع التعامل الضيق اللى اتعاملتة
المدينة(يا حلاها, يا روعتها , يا رقيها ........
المدينة كانت غييييييييييييييييير بمعنى غير ...شوارعها واسعة غير مكة اهدى نسبيا من مكة , نظافتها روووعة غير مكة , الحرم فية نظام جميييييييييل جد
 ا , النساء فى مكان و الرجال بمكان و النساء اللى معاهم اطفال فى مكان و اللى من غير اطفال فى مكان عشان الدوشة و كده يعنى...بجد مدينة بسم الله ما شاء الله متطورة و متقدمة و رائعة و الناس هناك يحببوك انك تتكلم معاهم , غاية فى الكرم و النبل , لو بتصلى جنب حد معاه مصلية(سجادة صلاة) تلاقية على طول فرش المصلية بالعرض عشان تصلى عليها معاة (ماشفتهاش فى مكة) البسمة اللى مابتفارق الوجوة بسم الله ماشاء الله ...سفرة الفطور اللى كل يوم فى رمضان , سفرة بطول الصف بين كل صفين سفرة يتحط عليها خبز و دقة و زبادى و مياة و تمر و قهوة عربى كنت بحب اساعد فى تجهيز السفرة , بحس انى فى بيتى.....احكى اية و لا اية و لا اية عنك يا مدينة,,,روحانيتها غييييييييييييييير رمضانها غير كلها على بعضها غييييييييراكتر موقف ضحكنى فيها اول يوم وصلنا المدينة...مشينا من مكة الساعة 12 تقريبا وصلنا تانى يوم 6 صباحا و كنا مايتيييييييييييين من الطريق المهم نزلنا فى فندق نمنا شوى و من كتر التعب صحينا متاخر و نزلنا الحرم قبل المغرب بساعة الا تقريبا و طبعا ماكنش فى مكان انك تدخل ..زالمهم قعدنا فى الساحة انا و ماما و اختى و كان فى واحدة بتوزع عصير و عليها زحمة كتيرة و كان فى وسط الزحام طفلة لا تتعدى ال8 او 10 سنين بتحاول تدخل تجيب واحد عصير المهم ان فى واحدة ععجوزة هندية شدت البنت و طلعتها من الزحام , البنت راحت تضرب على ظهر الست الهندية المهم ان من سوء حظ البنت انها خبطت فى اختى و هى كانت على اخرها اختى مسكتها من قفاها زى المجرمين و راحت رمياها على الزحمة كان منظرها يهلك من الضحك فاكرتنى بتوم و جيرى
كنت فى وقت الفراغ اروح انا و اخوانى و اختى نتمشى فى السوق ...\السوق عندهم روعة حبيت البلد بكل حاجة فيها و ماكنتش بحلم بيوم رجوعى مصر
النهاية
المفروض ان التذكرة بتاعتنا تخلص 23 رمضان , احنا لاغيناها و اخنا حجز على 7 شوال و طبعا كان صعب نعد لين 7 شوال لان صعب نلاقى حجز فى الفنادق المهم ان احنا تانى يوم الختمة رحنا المطار الساعة 11 الظهر و الحمدلله لقينا مكان على طيارة اضافى الساعة 8 المسا
 كنت حاسة انى هخلل جوا المطار ..احنا كنا عاملين حسابنا على طيارة 2 الظهر و ماكنش معانا تمر او اى فطور لقينا نفسنا هنفطر فى المطار قلنا مش مشكلة فى مطعم بالمطار نفطر فية و سبحان الله لقينا واحد مصرى الله يباركلة عامل نفس الحركة بتاعتنا واخد حجز على طيارة و عايز يسافر قبل معادة (بلطجة المهم ان الراجل دة عزم المطار كلة على الفطار فى اليوم دة و كان افطار رائع كلنا مانعرفش بعض بس بنفطر فى مكان واحد و صلينا سوى....المهم رجعنا بلدنا الحمدللةالرجوع:
فى ناس ماتوقعتش منها طريقة تقبل خبر رجوعى ناس قابلتة ببرود و ناس برنات و اتصالات و مسجات و ناس بالدموع كانى كنت غايبة سنيييييييين و لما نزلت الكلية حسيت احساس حلو و فى نفس الوقت كنت كاتمة جوايا صرخة ماعرفش اية سببها بس حسيت كل حاجة غريبة, مش هو دة المكان و لا الناس اللى انا سبتهم حسيت كل حاجة اتغيرت يمكن للاسوء يمكن لانى كنت شوى حزينة عشان صديقة عمرى مسافرة و هتوحشنى عشان كده بس بجد بقيت ببص بازبهلال غريب وو طبعا الكل افتكر ان انا اضايقت من الحوارات الهابطة اللى اتحكيتلى و انا اصلا ماكنتش مركزة فيها و اللى زعل عشان انا قعدت مع دى اكتر من دى و لا قال انى ماليش عزيز و لا غالى و مش بفرق معايا حد بس الكل اجمع على انى غريبة فى اسلوبى و مش هو دة اللى اتعودوا منى , مانكرش انى حاسة بتغيير بس مش عارفة فين بالظبط بس الحمدلله رجعت البيت على اخرى و بجد مش عايزة انزل الكلية تانى و لا اشوف الناس دى.
الطريف انى لما رجعت كنت ناسية بن كود الجوال و باسورد الايميل
 و تقريبا ناسية ازاى بكتب على الكيبورد و النهاردة و انا فى المحاضرة ايدى كانت بتترعش و مش عارفة اكتب و حالتى كانت حالةالمهم كفاية كده عارفة البتاع مبهم و ماحدش فاهم حاجة بس يمكن قدام شوى اتكلم اكتر...دعواتكم
***بجد مرسى كتير على الكل اللى سابولى ردود بجد فرحت بيها اوى و الف شكر لكلمة نورتى مكة و بالمناسبة يا سمايل ربنا اللى يعلم انى مانستش حد فى دعائى و دعتلك باللى انتى نفسك فية
"اللهم اغفر للمسلمين و المسلمات الاحياء منهم و الاموات , اللهم انك عفو تحب العفو فاعفو عنا, وصلى اللهم على محمد و على اله وصحبة اجمعين" |
|
|
